Иран елшісі Махмуд Сафари Фархуд сенім грамоталарының көшірмесін тапсырды
Астанада 2026 жылғы 8 қазанда Қазақстан Сыртқы істер министрінің орынбасары Арман Исағалиев Иран Ислам Республикасының Қазақстандағы жаңадан тағайындалған Төтенше және Өкілетті Елшісі Махмуд Сафари Фархудтың сенім грамоталарының көшірмелерін қабылдады.
Исағалиев елшінің дипломатиялық миссиясы Қазақстан мен Иран арасындағы дәстүрлі достық қатынастың нығаюына және өзара тиімді ынтымақтастықтың кеңеюіне ықпал ететініне сенім білдірді. Тараптар саяси диалогты дамыту, сауда-экономикалық серіктестікті кеңейту және мәдени-гуманитарлық байланыстарды күшейту мәселелерін талқылады.
Кездесуде өзара сауда көлемін арттыруға, көлік-логистикалық ынтымақтастықты дамытуға және бұрын қол жеткізілген келісімдерді жүзеге асыруға ерекше назар аударылды. Сөз соңында дипломаттар екіжақты да, көпжақты форматта да белсенді әрі сындарлы жұмысты қолдауға дайын екенін растады.
Дереккөз: gov.kz
