Өскеменде тұрғын подъезд қабырғасын бүлдіргені үшін 5 тәулікке қамалды

Өскемен қаласында 45 жастағы тұрғын көпқабатты үйдің подъезінде қабырғаға бояумен сурет салып, ортақ мүлікті бүлдірген. Бұл туралы жергілікті полиция хабарлады.

Азаматқа қатысты әкімшілік құқық бұзушылық туралы кодекстің 434-бабы 4-бөлігі бойынша іс қозғалды. Сот шешімімен оған 5 тәулікке әкімшілік қамау жазасы тағайындалды.

Полиция ескертуі

Полиция қызметкерлері ғимараттардың қабырғаларына және қоғамдық орындарға өз бетімен сурет салып, жазу жазуға болмайтынын ескертеді. Мұндай әрекеттер қала келбетіне кері әсер етіп, тұрғындардың қауіпсіз әрі жайлы ортада өмір сүру құқығын бұзады.

Ортақ мүлікті бүлдіру жауапкершілігі

Тәртіп сақшылары әрбір адам ортақ пайдаланылатын мүлікті бүлдірген жағдайда заң алдында жауап беретінін түсінуі керек екенін айтты.

Дереккөз: gov.kz