Қазақстан мен Армения TRIPP көлік дәлізін дамыту жайын талқылады
Қазақстан Премьер-министрінің орынбасары – Көлік министрі Асел Жанасова Арменияға жұмыс сапары кезінде Армения Премьер-министрінің орынбасары Мгер Григорянмен және Сыртқы істер министрі Арарат Мирзоянмен кездесті. Кездесулерде TRIPP (Trump Route for International Peace and Prosperity) көлік дәлізінің Қазақстан үшін транзиттік әлеуеті негізгі тақырып болды.
TRIPP дәлізінің транзиттік мүмкіндіктері қаралды
Тараптар TRIPP бағытын Транскаспий халықаралық көлік маршрутының (Орта дәліз) жалғасы ретінде дамытудың маңызын атап өтті. Сондай-ақ, бұл бағытты халықаралық көлік-логистикалық желілерге қосу жолдары талқыланды.
Қазақстанның көлік-логистика саласындағы басымдықтары
TRIPP жобасы Қазақстанның Еуразиядағы транзиттік хаб ретіндегі орнын нығайтуға мүмкіндік береді. Бұл бастама халықаралық көлік дәліздерін әртараптандыруға, жаңа жүк тасымалдарын тартуға және аймақтық логистикалық байланысты арттыруға бағытталған.
Президент Қазақстан халқына Жолдауында көлік-логистика саласын стратегиялық бағыттардың бірі ретінде атап өтті. Осыған байланысты елімізде халықаралық көлік дәліздерін дамыту және транзиттік әлеуетті көтеру бойынша жүйелі жұмыстар жүргізіліп жатыр.
Дереккөз: gov.kz
