Астанадағы №117 мектепте кітап оқуға арналған жаңа кеңістіктер ашылды

Астана қаласындағы №117 жалпы білім беретін мектепте «Кітап оқитын ұлт» жобасы аясында оқушылар мен мұғалімдерге арналған арнайы кітап оқу орындары ашылды. Жаңа кеңістіктер оқу мәдениетін қалыптастыруға және жастардың рухани дамуына үлес қоспақ.

Мектепте қандай кітап бұрыштары ашылды

Мектеп ғимаратының екінші қабатында «12 ай – 12 кітап» және «Кітап оқитын ұрпақ – ел болашағы» атты кітап бұрыштары жұмысын бастады. Бұл аймақтарда оқушылар мен педагогтер өздеріне ұнаған кітаптарды таңдап, еркін жағдайда оқи алады.

Коворкинг-аймақтарда оқуға жағдай жасалды

Екінші, үшінші және төртінші қабаттардағы коворкинг-аймақтарда кітап оқуға арналған жайлы орта ұйымдастырылды. Мұндай кеңістіктер мектепте оқу мәдениетін қалыптастыруға, оқушылардың кітапқа қызығушылығын арттыруға септігін тигізеді.

Жобаның маңызы неде

Арнайы оқу орындарын ашу – оқушылардың дүниетанымын кеңейтіп, шығармашылық қабілетін және зияткерлік әлеуетін дамытуға ықпал етеді. Бұл бастама мектеп ұжымының оқу мен тәрбиедегі жаңа бағыттарға бет бұруын көрсетеді.

Дереккөз: gov.kz