Астанада Абылай хан даңғылындағы автобус жолағына қатысты жаңа тәртіп енгізіледі

7 қарашадан бастап Астанадағы Абылай хан даңғылының А. Пушкин көшесінен Манас көшесіне дейінгі аралығында автобус жолағын пайдалану тәртібі өзгереді. Бұл туралы қала әкімдігінің ресми сайты хабарлады.

Автобус жолағы аптаның барлық күнінде жұмыс істейді

Бұған дейінгі тәртіпке сәйкес, автобус жолағы тек жұмыс күндері қолданылса, енді «Жұмыс күндері» деген қосымша белгі алынып тасталады. Осылайша, енді автобус жолағы демалыс және мереке күндерін қоса алғанда, аптаның барлық күнінде қолданылады.

Уақыттық режим бұрынғыдай қалады

Автобус жолағының жұмыс уақыты өзгермейді. Яғни, жолағы сағат 06:30-дан 20:00-ге дейін қолданыста болады.

Жол ережесін бұзғандарға айыппұл салынады

Көлік жүргізушілері жол белгілері мен жол жүру ережелерін сақтауы тиіс. Автобус жолағының талаптарын бұзған жағдайда әкімшілік жауапкершілікке тартылады және айыппұл салынады.

Дереккөз: gov.kz