Энергетика министрлігі есепке алу құрылғыларын өндірушілердің мүмкіндігін зерттеді
Энергетика вице-министрі Бақытжан Ілияс Алматы қаласындағы «Сайман», «Миртек», «NERO GROUP» және «Goldcard Smart Group Kazakhstan» кәсіпорындарында болып, олардың есепке алу аспаптарын өндіру мүмкіндіктерін қарады. Бұл шара «Энергетикалық және коммуналдық секторларды жаңғырту» ұлттық жобасы мен Digital Qazaqstan стратегиясын іске асыру мақсатында өтті.
Кәсіпорындардың өндірістік әлеуеті мен технологиялары
Бақытжан Ілияс сапар барысында кәсіпорындардың өндірістік қуатын, электр, жылу және газды есепке алу аспаптарын өндіру технологияларын зерттеді. Сонымен бірге, өндірісті оқшаулау, яғни жабдықтарды жергілікті өндіру мүмкіндігі де қарастырылды.
Вице-министр аспаптардың өлшеу дәлдігіне, көрсеткіштерді автоматты түрде жинау мен жеткізуге, жабдықтардың өзара үйлесімділігіне және оларды ақпараттық жүйелерге біріктіруге баса назар аударды.
Зияткерлік есепке алу жүйелерінің артықшылықтары
Зияткерлік есепке алу жүйелерін енгізу арқылы энергия ресурстарын пайдалану туралы деректердің анықтығы артады, оларды жылдам бақылауға мүмкіндік туады және шығындарды анықтап, азайтуға жағдай жасалады. Бұл, өз кезегінде, тұтынушылар үшін нақты тұтынылған ресурстарды есепке алу мен есеп айырысу процесінің ашықтығын қамтамасыз етеді.
Жергілікті өндірісті дамыту және жаңа жобалар
Сапар аясында отандық кәсіпорындардың ұлттық жоба қажеттіліктерін толық қамтамасыз ету, жабдықтарды жергілікті өндіру мен техникалық қызмет көрсету мүмкіндіктері талқыланды. «Сайман» корпорациясында вице-министр кәсіпорынның өндірістік әлеуетімен және алдағы кеңейту жоспарларымен танысты.
- Электр энергиясын есепке алу бойынша жылдық қуаттылығы – 800 мың аспап;
- Суды есепке алу – 600 мың аспап;
- Газды есепке алу – 300 мың аспап;
- Жылуды есепке алу – 8 мың аспап.
Қазіргі кезде қосымша өндірістік қуаттарды құру жұмыстары жүргізілуде.
Кәсіпорындарды дамыту жоспарлары
Аспап жасау зауытын орналастыру үшін нысандарды сатып алу мен күрделі жөндеу жобасын аяқтау 2026 жылғы қарашаға жоспарланған.
Энергетика министрлігі қазақстандық кәсіпорындардың өндірістік әлеуеті мен цифрлық шешімдерді біріктіру талаптарын ескере отырып, есепке алу жүйелерін жаңғырту бағытында жұмысты жалғастырады.
Дереккөз: gov.kz
