Бөгенбай батыр даңғылы ішінара жабылады: Ш. Уәлихановтан Сарыарқаға дейін

Елорда әкімдігінің ресми сайты хабарлағандай, 11-31 тамыз аралығында Астанада Бөгенбай батыр даңғылының Ш. Уәлиханов көшесінен Сарыарқа даңғылына дейінгі учаскесі орташа жөндеу жұмыстарына байланысты ішінара жабылады. Көлік қозғалысы жолдың бір жағымен екі бағытта ұйымдастырылады.

Жұмыс кезеңінде жүргізушілер мен жаяу жүргіншілер жүру бағытын алдын ала жоспарлап, ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін учаскеге уақытша жол белгілері мен көрсеткіштер орнатылады.

Әкімдік тұрғындар мен көлік жүргізушілерден түзетілген қозғалыс тәртібін сақтап, белгіленген бағыттар мен көрсеткіштерге назар аударуды сұрайды.

Дереккөз: gov.kz