Көкшетауда Мәлік Ғабдуллин атындағы Азаматтық қорғау академиясының жаңа кешені салынады
Көкшетауда Қазақстан Республикасы ТЖМ Мәлік Ғабдуллин атындағы Азаматтық қорғау академиясының жаңа кешені салынады. Жоба Мемлекет басшысының тапсырмасымен жүзеге асырылуда. Қазір жобалық құжаттаманы әзірлеу жұмыстары аяқталуға жақын.
Төтенше жағдайлар министрі Мұрат Мұханов құрылысқа бөлінген алаңды қарап, жобаның негізгі параметрлерімен танысты. Жаңа кешен курсанттарды оқытуға және болашақ құтқарушылардың практикалық даярлығына заманауи жағдай жасауға мүмкіндік береді.
Академияға барғанда министр қолданыстағы оқу базасын да көрді. Ол оқу корпустарын, аудиторияларды және азаматтық қорғау саласының мамандарын даярлауға пайдаланылатын нысандарды аралады.
Қазір академияда 414 курсант білім алуда, ал профессор-оқытушылар құрамында 59 адам бар. Академияны дамыту ТЖМ жүйесіне арналған кадрларды даярлау сапасын арттыруға бағытталған.
Дереккөз: gov.kz
