ҰҚШҰ министрлерінің және қауіпсіздік кеңестері хатшыларының бірлескен отырысы өтті

2026 жылғы 10 қарашада Мәскеуде Қазақстанның Сыртқы істер министрі Мұхтар Тілеуберді Ұжымдық қауіпсіздік туралы шарт ұйымы Сыртқы істер министрлері кеңесінің, Қорғаныс министрлері кеңесінің және Қауіпсіздік кеңестері хатшылары комитетінің бірлескен отырысына қатысты.

Қазақстан делегациясын Сыртқы істер министрімен бірге Қауіпсіздік Кеңесі Төрағасының орынбасары Аида Балаева және Қорғаныс министрі Айдос Мырзахметов бастап барды. Кездесу барысында халықаралық және өңірлік қауіпсіздік мәселелері талқыланып, ҰҚШҰ-ның осы жылғы жұмысының қорытындылары мен алдағы 2027 жылға арналған негізгі бағыттары қарастырылды.

Мұхтар Тілеуберді ұйым аясындағы ынтымақтастықты нығайтуға қатысты Қазақстанның ұстанымын таныстырып, ҰҚШҰ-ны дамытуға қатысты бірнеше ұсыныс айтты. Отырыста қатысушылар бірқатар саяси мәлімдемелерді және ҰҚШҰ Парламенттік Ассамблеясы туралы келісім жобасын мақұлдады. Сонымен қатар, 11 қарашада Мәскеуде өтетін ҰҚШҰ Ұжымдық қауіпсіздік кеңесі сессиясының күн тәртібі мен құжаттар жобалары келісілді.