Қазақстанның Төтенше жағдайлар министрі Республика күнімен құттықтады

Қазақстан Республикасының Төтенше жағдайлар министрі Мұрат Мұханов ел тұрғындарын Республика күнімен құттықтады. Ол бұл мерекенің елдің тәуелсіздігі мен бірлігінің белгісі екенін атап өтті.

Министр еліміздің жаңару мен даму жолында сенімді алға басып келе жатқанын айтты. Мемлекет басшысының «Адал азамат», «Таза Қазақстан» бастамалары және «Заң мен тәртіп» қағидаты қоғамда жауапкершілік пен әділдікті нығайтуға бағытталғанын жеткізді.

Мұрат Мұханов министрлік тарапынан құтқару қызметтерінің дайындығын күшейту, материалдық-техникалық базаны жетілдіру және халықтың қауіпсіздік мәдениетін қалыптастыру бағытында тұрақты жұмыс жүргізіліп жатқанын айтты. Сондай-ақ, ол әрбір қызметкердің кәсібилігі мен жауапкершілігі қойылған мақсаттарға жетудің кепілі екенін атап, жеке құрамға алғыс білдірді.

Министр Отанға деген адалдық пен халық алдындағы жауапкершілік әрқашан жоғары болсын деп тіледі. Ол елдің амандығы мен тәуелсіздігі баянды болуын тіледі.

Дереккөз: gov.kz