Қазақстан мен Оман әуе қатынасы туралы келісіммен алмасты: Астанада рәсім өтті

Қазақстан мен Оман арасындағы әуе қатынасы туралы келісіммен алмасу рәсімі 2026 жылғы 6 қазанда Астанада өтті. Шара Оман Сұлтаны Хайсам бен Тарик Әл Саидтің Қазақстанға мемлекеттік сапары аясында, екі елдің басшылары қатысқан кезде ұйымдастырылды.

Қазақстан Республикасының Үкіметі мен Оман Сұлтандығының Үкіметі арасындағы келісімге Қазақстан тарапынан Көлік министрі Нұрлан Сауранбаев қол қойды. Оман атынан құжатқа Сыртқы істер министрі Бадр бин Хамад Әл-Бусаиди қол қойды.

Келісім азаматтық авиация саласындағы ынтымақтастықтың шарттық-құқықтық негізін нығайтып, екі ел арасындағы әуе қатынасын дамытуға қосымша мүмкіндік береді. Оны іске асыру сауда-экономикалық және іскерлік байланыстың дамуына, инвестиция тартуға, сондай-ақ туристік және мәдени ынтымақтастықтың нығаюына ықпал етеді.

Дереккөз: gov.kz