Рыбакина мен Путинцева Майами турнирін екінші айналымнан бастайды

18.03.2025

347

Tennis - Madrid Open - Park Manzanares, Madrid, Spain - May 1, 2024 Kazakhstan's Elena Rybakina celebrates winning her quarter final match against Kazakhstan's Yulia Putintseva REUTERS/Susana Vera

АҚШ-тың Майами қаласында өтетін WTA 1000 санатындағы турнирдің жеребесі тартылды. Қазақстан атынан жарысқа Елена Рыбакина мен Юлия Путинцева қатысады, деп хабарлайды AstanaNews.kz сайты BasSport.kz-ке сілтеме беріп.

Әлемнің сегізінші ракеткасы саналатын Рыбакина турнирдегі жорығын екінші айналымнан бастайды. Оның алғашқы қарсыласы мексикалық Рената Сарасуа (WTA рейтингінде 71-орын) мен америкалық Эшлин Крюгер (40-орын) арасындағы матчтың жеңімпазы болмақ.

24-орында тұрған Юлия Путинцева да екінші айналымнан жарысқа қосылады. Ол алғашқы кездесуін америкалық Энн Ли (61-орын) немесе іріктеу кезеңінен өткен спортшыға қарсы өткізеді.

Турнир 18-30 наурыз аралығында өтеді. Жарыстың жүлде қоры — шамамен 9 миллион доллар.

Өткен жылғы турнирдің жеңімпазы — америкалық Даниэль Коллинз. Ол финалда Рыбакинаны жеңіп, чемпион атанған болатын.