Ш. Уәлиханов көшесі ішінара жабылады: 25–29 тамызда жол төсемінің жоғарғы қабаты төселеді

Астанада Ш. Уәлиханов көшесінің Бөгенбай батыр даңғылынан С. Сейфуллин көшесіне дейінгі аралығында жол төсемінің жоғарғы қабатын төсеу жұмыстары жүргізіледі. Осыған байланысты 25–29 тамыз аралығында аталған учаске ішінара жабылады.

Қозғалыс жолдың бір жағымен екі бағытта ұйымдастырылады. Жүргізушілер мен жаяу жүргіншілерге жүру бағытын алдын ала жоспарлап, ықтимал өзгерістерді ескеру ұсынылады.

Қауіпсіздікті қамтамасыз ету және қолайсыздықты азайту мақсатында уақытша жол белгілері мен көрсеткіштер орнатылады.

Дереккөз: gov.kz