Қарағанды облысында Балқаш-2 теміржол вокзалы толық жаңартылды
Қарағанды облысында 1976 жылы салынған Балқаш-2 теміржол вокзалы жаңарды. Қайта жаңғырту жұмыстары толық аяқталып, ғимарат жолаушылар үшін жайлы әрі қауіпсіз етіп жабдықталды.
Вокзал ғимараты мен инженерлік желілер жаңартылды
Жаңғырту барысында жалпы ауданы 2 мың шаршы метр болатын екі қабатты вокзал толық жөндеуден өтті. Ішкі әрлеу жұмыстары жүргізіліп, кәріз, су, жылу және электр жүйелері толығымен жаңартылды. Перрондағы темірбетон конструкциялар ауыстырылып, жаңа тас төсемдер төселді.
Қауіпсіздік пен жолаушылар инфрақұрылымы күшейтілді
Вокзалда қосымша эвакуациялық жолдар салынды. Өрт қауіпсіздігінің талаптарына сай жаңа есіктер орнатылды. Жолаушыларға қолайлы инфрақұрылымға баса назар аударылды.
Балқаш-2 станциясының маңызы
Балқаш-2 вокзалы II санатқа жатады, тәулігіне орта есеппен 800 жолаушыға қызмет көрсетеді. Бұл станция арқылы Балқашты Астана, Қарағанды, Семей және Аягөз бағытындағы 18 жолаушылар пойызы өтеді.
Реконструкциялау жұмыстары аясында
Вокзалдарды жөндеу Мемлекет басшысының тапсырмасымен қолға алынған 124 теміржол вокзалын жаңғырту бағдарламасы шеңберінде іске асуда. Қарағанды облысында бұл бағдарлама 14 вокзалға қатысты жүзеге асырылып жатыр.
Дереккөз: gov.kz
