Қазақстанда 2026 жылы геологиялық барлауға 112 учаске аукционға шығарылмақ
2026 жылы Қазақстанда геологиялық барлау жүргізу мақсатында 112 учаске электрондық сауда-саттыққа шығарылмақ. Бұл туралы энергетика министрі Ерлан Ақкенженов Үкімет үйінде өткен баспасөз мәслихатында мәлімдеді.
Аукционға шығарылатын учаскелер бойынша жоспар
Министрдің айтуынша, бір жыл ішінде 112 учаскені аукционға ұсыну – ауқымды жұмыс. Ол бұл қадам еліміздің геологиялық зерттеу саласында оң нәтижелерге жеткізеді деп күтетінін жеткізді. Барлау мен бұрғылау нәтижелері энергетика министрлігіне қолжетімді болады.
Инвесторларға қойылатын негізгі талаптар
2023-2025 жылдары сауда-саттыққа 126 учаске қойылған. Аукциондарға Қазақстан мен шетелдік компаниялар, соның ішінде Қытай және көрші елдердің инвесторлары қатысады. Инвесторлар жергілікті қамтуды дамытуға, бұрғылау мен зерттеу жұмыстарын жүргізуге, тауарлар мен қызметтерді сатып алуға, әрі кадрлар даярлау мен оқытуға міндетті.
Ұлттық компаниялардың геологиялық барлау жұмыстары
«ҚазМұнайГаз» ҰК» АҚ басқарма төрағасы Асхат Хасеновтың сөзінше, компания 47 учаске мен 23 жоба аясында 4,7 млрд тонна шартты отынға ресурстық баға беруге арналған бағдарламаны жүзеге асыруда. Сонымен қатар, 60 мың сызықтық километрге сейсмикалық зерттеу жүргізілуде. Зерттеулер 8 мың метрге дейінгі тереңдіктегі қабаттарды қамтиды және елдің ресурстық қорын толықтыруға бағытталған.
Дереккөз: gov.kz
