Абай облысында полиция қызметкерлері жеті ауылдағы 315 үйге барды
Полиция жеті ауылда 315 үйді аралады
Абай облысының Бородулиха ауданында «Қауіпсіз үй» республикалық жедел-профилактикалық іс-шарасы шеңберінде полиция қызметкерлері жеті ауылдағы 315 үйді аралады. Шараға 73 полиция қызметкері мен төтенше жағдайлар қызметінің мамандары қатысты. Тексеру жұмыстары 30 қазанда Жаңа Шүлбі, Ақши, Жерновка, Пол-Лог, Боровлянка, Песчанка және Красный Яр ауылдарында өтті.
Отбасылар мен балаларға ерекше назар аударылды
Тексеру барысында көмек пен бақылауды қажет ететін отбасыларға, қорғау нұсқамалары мен сот шектеулері сақталуына баса мән берілді. Нәтижесінде балаларға қолайлы жағдай жасалмаған екі отбасы ювеналдық полиция есебіне алынды. Ал екі азаматтың алкогольге тәуелділігіне байланысты мәжбүрлі емдеу мәселесі қаралуға жіберілді. Сонымен қатар 17 ресми ескерту берілді.
Тұрғындарға түсіндіру жұмыстары жүргізілді
Полиция қызметкерлері ауыл тұрғындарымен кездесіп, интернет-алаяқтықтан қорғану, балалардың қауіпсіздігі мен өрт қауіпсіздігін сақтау жолдарын түсіндірді. Тұрғындарға 426 жадынама таратылып, дүкендер мен қоғамдық орындарға учаскелік инспекторлардың байланыс нөмірлері ілінді.
Әкімшілік құқық бұзушылықтар анықталды
Іс-шара барысында полиция 96 әкімшілік құқық бұзушылықтың алдын алды. Оның ішінде абаттандыру ережесін бұзудың 28 дерегі және жол қозғалысы қауіпсіздігін сақтамаудың 40 фактісі тіркелді. Сондай-ақ, әкімшілік бақылау талаптарын, сот шектеулерін және балаларды тәрбиелеу міндеттерін орындамау жағдайлары анықталды.
Алкоголь және қару сақтау талаптары тексерілді
Полиция 49 дүкен иесімен алкоголь мен темекі өнімдерін сату талаптарын талқылады. Сонымен қатар, 25 азаматтық қару иесінің қаруды сақтау жағдайы тексеріліп, заң бұзушылықтар анықталған жоқ.
Балалардың қауіпсіздігі бойынша кездесу өтті
Арнаулы әлеуметтік қызметтерге мұқтаж балаларды қолдау орталығында полицейлер кәмелетке толмағандардың қауіпсіздігі туралы кездесу өткізді. Мұндай аралау жұмыстары учаскелік инспекторларға отбасындағы жағдайды бағалауға, қауіптің алдын алуға мүмкіндік береді.
Дереккөз: gov.kz
