Таразда «Аналар алқасы» кеңесі мемлекеттік тіл мен отбасылық құндылықтарды талқылады

Тараз қаласындағы Достық үйінде республикалық дүнген этномәдени бірлестігінің «Аналар алқасы» кеңесінің отырысы өтті. Басқосуда мемлекеттік тілді меңгеру, отбасындағы құндылықтарды сақтау және республикалық челлендждерге қатысу туралы мәселелер сөз болды.

Мемлекеттік тілді меңгеру мен отбасылық тәрбие

Жиын барысында кеңес мүшелері мемлекеттік тілдің маңызына тоқталып, оны меңгеруді насихаттаудың жолдарын талқылады. Сонымен қатар, отбасындағы құндылықтарды сақтау, ұрпақ тәрбиесі және отбасы мүшелерінің бірлігі маңызды екені айтылды.

«Кітап оқитын ұлт» марафоны және қоғамдық бастамалар

Кеңес мүшелері «Кітап оқитын ұлт» марафонына қатысу жайын сөз етті. Олар отбасында бірге кітап оқудың балалардың әдебиетке қызығушылығын арттырып, аға буын мен жас ұрпақ арасындағы байланысты нығайтатынын атап өтті. Сондай-ақ, кеңестің алдағы жұмысы пысықталып, этномәдени бірлестіктердің қоғамдық бастамаларға белсенді қатысуы жөнінде ұсыныстар берілді.

Дереккөз: gov.kz