Төтенше жағдайлар министрі Құтқарушылар күнінде әріптестерін құттықтады
Қазақстан Республикасы Төтенше жағдайлар министрі Мұрат Мұханов Құтқарушылар күніне орай әріптестерін, ардагерлерді және құтқарушыларды кәсіби мерекемен құттықтады. Министр құтқарушылардың кәсібилігі мен батылдығының арқасында көптеген адамның өмірі сақталып, халықтың қауіпсіздігі қамтамасыз етіліп жатқанын атап өтті.
Мұрат Мұханов мемлекет басшысы мен Үкімет тарапынан көрсетіліп отырған қолдау алдағы уақытта да үлкен жетістіктерге жетуге мүмкіндік беретініне сенім білдірді. Сонымен қатар, қызметтік міндетін атқару барысында қаза тапқан құтқарушылардың есімі ел жадында мәңгі қалатынын айтты.
Министр ардагерлерге кәсібіне адал қызмет еткені және жастарды тәрбиелеуге атсалысып жүргені үшін алғыс білдірді. Ол барша құтқарушыларға зор денсаулық, отбасына амандық және қызметте табыс тіледі.
Дереккөз: gov.kz
