Амангелді Нұғманов көлік комитеті төрағасының орынбасары болып тағайындалды

05.10.2026

219

Амангелді Нұғманов көлік комитеті төрағасының орынбасары болып тағайындалды — gov.kz

Қазақстан Республикасы Көлік министрлігінің Автомобиль көлігі және көліктік бақылау комитеті төрағасының бұйрығымен Амангелді Шайхоллаұлы Нұғманов Комитет төрағасының орынбасары болып тағайындалды.

Амангелді Нұғмановтың алған білімі

Нұғманов Ақтөбе ауыл шаруашылығы техникумын және «Қайнар» университетін үздік бітірген. Сонымен қатар Будапешт қаласындағы (Венгрия) Халықаралық құқық қорғау органдары академиясында, Қазақстан Республикасы Президентінің жанындағы Мемлекеттік басқару академиясында білім алған.

Кеден органдарындағы және мемлекеттік қызметтегі жұмысы

Еңбек жолын ауыл шаруашылығы өндірісі саласында бастаған. Кейін кеден органдарында инспектордан өңірлік департамент басшысына дейінгі қызметтерді атқарған. Әр жылдары Астана қаласы, Батыс Қазақстан, Жамбыл, Қарағанды және Павлодар облыстары бойынша кедендік бақылау департаменттерін басқарған.

Одан кейінгі жұмыс жолындағы қызметтері:

Батыс Қазақстан облысы бойынша Тексеру комиссиясының төрағасы;
Астана қаласы және Ақтөбе облысы бойынша Ішкі мемлекеттік аудит департаменттерінің басшысы;
Ақтөбе облысы әкімінің аппарат басшысы;
Ақтөбе облыстық мәслихатының төрағасы.

«Самұрық-Қазына» қорындағы қызметі

2010–2012 жылдары Нұғманов «Самұрық-Қазына» ұлттық әл-ауқат қоры» АҚ басқарушы директоры – Басқарма мүшесі болды. Ол корпоративтік байланыстар, инвестициялар тарту, құқықтық және кадрлық қамтамасыз ету мәселелерін жетекшілік етті.