Үздік педагог-2026: Астанада қалалық кезеңге құжат қабылдау 14 қыркүйекте басталады

14 қыркүйекте Астанада «Үздік педагог-2026» республикалық байқауының қалалық кезеңі басталады. Қатысуға кемінде бес жыл үздіксіз педагогикалық жұмыс өтілі бар елордалық ұстаздар үміткер бола алады.

Үздік педагог-2026 — қатысу талаптары мен құжат қабылдау мерзімі

Байқауға мектепке дейінгі, орта, арнайы, мамандандырылған, қосымша және техникалық және кәсіптік білім беру ұйымдарының меншік түріне немесе ведомстволық бағыныстылығына қарамастан штаттағы педагогтері қатыса алады. Қатысу үшін педагогтарда кемінде бес жыл үздіксіз педагогикалық өтілі болуы тиіс.

Құжаттар 14–16 қыркүйек аралығында қабылданады. Құжаттарды https://uzdikustaz-nobd.edu.kz/#/sign-in сайтында жүктеуге болады (сілтеме 14 қыркүйектен бастап қолжетімді болады).

Үздік педагог-2026 — бағалау, іріктеу және республикалық кезең

Конкурс барысында педагогтің білім саласын дамытуға қосқан үлесі, қызметінің тиімділігі мен кәсіби шеберлігі бағаланады. Байқаудың барлық кезеңі — қатысушыларды тіркеуден бастап республикалық кезеңнің қорытындысына дейін — цифрландырылған жүйеде өтеді.

Қалалық комиссия педагогтердің материалдарын 17–21 қыркүйек аралығында қарайды да, қорытынды шығарады. Ең жоғары ұпай жинаған 10 педагог қалалық кезеңнің жеңімпазы деп танылады және республикалық кезеңге жолдама алады.

Дереккөз: gov.kz