Астанада «Ұлттық қолөнер мектебі» жобасы: қатысу тегін

Астана қаласында Креативті индустрияларды дамыту қорының бастамасымен «Ұлттық қолөнер мектебі» атты жоба өтеді. Іс-шара 2026 жылғы 27 шілде мен 30 тамыз аралығын қамтиды. Бұл туралы елорда әкімдігінің ресми сайты хабарлады.

Жобаға 8-ден 20 жасқа дейінгі балалар мен жастар қатыса алады. Сабақтар Qazaq Creative Hub алаңында — Жошы хан көшесі, 16/2 мекенжайында өткізіледі. Тәжірибелі шеберлер ұлттық қолөнердің 10 бағыты бойынша тегін оқытады: қатысушылар дәстүрлі өнерді игеріп, өз қолдарымен бұйым жасайды. Барлық қажетті материалдар мен құралдарды ұйымдастырушылар қамтамасыз етеді.

«Ұлттық қолөнер мектебі» жасөспірімдердің шығармашылық қабілетін дамытуға, ұлттық мұра мен дәстүр сабақтастығын нығайтуға бағытталған. Жобаға қатысуға өтінімдер әлі де қабылдануда. Тіркелу үшін мына сілтемені толтыру қажет: https://docs.google.com/forms/d/1TGvM5_ZM2-6MtFdVDwmrN4fybNJIDbvvNkPqu9X_SD8/viewform?edit_requested=true