Қазақстан мен Израиль сауда-экономикалық ынтымақтастықты нығайтуды талқылады

Астанада 2026 жылғы 2 қазанда Қазақстан Республикасы Сыртқы істер министрінің орынбасары Арман Исағалиев Израиль Мемлекетінің Қазақстандағы Елшісі Йоав Быстрицкиймен кездесті. Әңгіме барысында екіжақты қарым-қатынас, өңірлік және халықаралық күн тәртібіндегі өзекті мәселелер талқыланды.

Негізгі бағыттардың бірі ретінде Қазақстан мен Израиль арасындағы сауда-экономикалық және инвестициялық ынтымақтастықты кеңейту жолдары қаралды. Тараптар биыл өтуі жоспарланған сауда-экономикалық ынтымақтастық жөніндегі бірлескен үкіметаралық комиссия отырысының күн тәртібін де талқылады.

Кездесу қорытындысы бойынша тараптар ақпараттық технологиялар, ауыл шаруашылығы және инновация салаларындағы серіктестікті күшейту жұмысын жандандыруға келісті.