Астанада әлеуметтік көмекпен 270 мыңнан астам тұрғын қамтылуда
Астанада әлеуметтік қолдауды қажет ететін тұрғындарға көмек көрсету негізгі басымдықтардың бірі болып саналады. Жыл сайын қалада 270 мыңға жуық адам әртүрлі әлеуметтік қызметтер мен төлемдерге ие болады. Бұл туралы Астана қаласының Жұмыспен қамту және әлеуметтік қорғау басқармасы мәлімдеді.
Көмек алушылар саны және негізгі топтар
Қалада 39 мыңнан аса көпбалалы отбасы, 8 мыңнан астам «Алтын алқа» және «Күміс алқа» иегері аналар, 41 мыңға жуық мүгедектігі бар адам, сондай-ақ ерекше қажеттілігі бар балаларды тәрбиелеп отырған 10 мың отбасы тұрады. Оларға тегін қызметтер көрсетіліп, ақшалай төлемдер беріледі.
Зейнеткерлер мен ардагерлерге арналған жеңілдіктер
Жасына байланысты зейнетке шыққан азаматтарға санаторий-курорттық ем алу үшін жеңілдік жасалады. 2024 жылдың басынан бері 4 883 адам осы мүмкіндікті пайдаланған. 2025 жылы 6 527 жолдама берілуі жоспарланған. Екінші дүниежүзілік соғыс ардагерлері мен соғыс ардагерлеріне теңестірілген азаматтарға санаторий қызметтері тегін ұсынылады.
Әлеуметтік төлемдер және атаулы көмек
Өмірлік қиын жағдайға тап болған тұрғындарға әлеуметтік маңызы бар аурулар бойынша тоқсан сайын және ай сайын қаржылай көмек беріледі. Әлеуметтік маңызы бар аурулары бар балаларға ай сайын 25 АЕК мөлшерінде көмек көрсетіледі – жыл басынан бері мұндай 602 бала қамтылған. Туберкулезбен ауыратын 506 адамға ай сайын 10 АЕК көлемінде төлем жасалады.
Бас бостандығынан айыру орындарынан босатылған азаматтарға 15 АЕК мөлшерінде біржолғы көмек беріледі. Биыл бұл төлемді 342 адам алған. Табиғи апаттан немесе өрттен зардап шеккен азаматтарға 400 АЕК көлемінде әлеуметтік көмек қарастырылған – 2026 жылы бұл көмекті 27 адам алған.
Мүгедектігі бар азаматтарды қолдау және оңалту
Қалада 41 мыңға жуық мүгедектігі бар адам тұрады. Әлеуметтік қызметтер порталы арқылы қараша айының басында оларға 41 355 техникалық оңалту құралы мен қызмет ұсынылған. Оның ішінде 29 005 адам қозғалыс, сурдотехникалық, тифлотехникалық, гигиеналық құралдармен және протездік-ортопедиялық көмекпен қамтылған. 12 350 адам оңалту қызметтерін алған.
Жұмыспен қамту және жаңа жұмыс орындары
2024 жылдың 10 айында жұмыс іздеп 73 мыңнан астам адам басқармаға жүгінген. Олардың 19 080-і жұмыспен қамту шараларына тартылды, 8 965 тұрғын тұрақты жұмысқа орналасты. Жұмысқа орналасуға көмектесу үшін «Электрондық еңбек биржасы» порталында 3 112 жұмыс берушіден 9 741 бос жұмыс орны жарияланған.
2024 жылы өңірлік жұмыс орындарын құру картасы аясында 33 682 жаңа жұмыс орны ашу жоспарланған. Оның ішінде 28 744-і тұрақты, 4 938-і уақытша жұмыс орны. 2026 жылғы 1 қарашадағы жағдай бойынша қалада 63 657 жұмыс орны құрылған. Оның ішінде жобалар аясында – 6 152, жеке бастамалар бойынша – 48 540, бос жұмыс орындары арқылы – 8 965 адам жұмысқа орналасқан.
Дереккөз: gov.kz



