Экология министрі Астана және Қосшы қалаларындағы ұйымдардың жұмысымен танысты
6 қараша күні Экология және табиғи ресурстар министрі Әлібек Қуантыров Астана және Қосшы қалаларындағы ведомстволық бағынысты ұйымдардың қызметімен танысты. Министр жұмыс сапары барысында осы мекемелердің ұжымдарымен кездесті.
«Жасыл аймақ» кәсіпорнының жұмысы
Сапар «Жасыл аймақ» республикалық мемлекеттік кәсіпорнының «Ақ қайың» тәлімбағынан басталды. Бұл кәсіпорын елорда маңындағы жасыл аймақты құру, қорғау және көбейту жұмыстарымен айналысады. «Ақ қайың» және «Дамса» тәлімбақтарында күзгі түгендеу нәтижесінде 6 миллионнан астам көшет тіркелген. 2026 жылы кәсіпорын 6,1 миллионнан астам көшет отырғызғаны атап өтілді.
Министр әрі қарай «Жасыл аймақ» кеңсесінде кәсіпорын қызметкерлерімен кездесті. Кездесу барысында «Жасыл белдеу» республикалық мемлекеттік мекемесін құру мәселесі қозғалды.
«Охотзоопром» және жануарларды қорғау
«Охотзоопром» кәсіпорнында министрге жануарлар дүниесін қорғау бағыты бойынша атқарылып жатқан жұмыстар таныстырылды. Орталық өңірлік филиал төрт облыстың аумағында Бетпақдала киігі мен арқарлар және басқа да жабайы жануарларды қорғаумен айналысады. 2026 жылдың тоғыз айында аумақтық инспекциялар, полиция және ерекше қорғалатын аумақтармен бірлесіп, 55 рейд жүргізілген.
Астана ботаникалық бағының мүмкіндіктері
Әлібек Қуантыров Астана ботаникалық бағында болып, жылыжайларды, палеоботаникалық көрмелерді, гербарий қорын және өсімдіктер биотехнологиясы зертханасын аралады. Бақта жеті ғылыми зертхана жұмыс істейді. Жылыжайда өсімдіктердің 300 түрі, тұқым қорында 519 түрі, ал гербарийде 21 мыңнан астам парақ бар. Мұнда ғылыми зерттеулермен қатар, экскурсиялар мен экологиялық сабақтар өткізіледі. Ғалымдар зертханалық жабдықтар сатып алуға қаржы бөлу мәселесін көтерді.
Экология департаментіндегі бақылау
Жұмыс сапары Астана қаласы бойынша Экология департаментінде жалғасты. Министр департаменттің қызметімен және материалдық-техникалық базасымен танысты. Сапар барысында зертханалық-талдамалық бақылау бөліміне ерекше көңіл бөлінді. Министр сынақ зертханасының жабдықталу деңгейі мен қолданылатын құрал-жабдықтар, сондай-ақ мемлекеттік экологиялық бақылау аясындағы зерттеулердің негізгі бағыттарымен танысты.
Дереккөз: gov.kz
