Астанада ауыл шаруашылығы жәрмеңкесінде мың тонна өнім сатылады
24-25 қазан күндері Астанадағы «Қазанат» ипподромының аумағында ауыл шаруашылығы жәрмеңкесі өтеді. Бұл шара Республика күніне орай ұйымдастырылады. Жәрмеңкеде Қарағанды және Қостанай облыстарының тауар өндірушілері өз өнімдерін ұсынады.
Жәрмеңкеде ұсынылатын негізгі өнімдер көлемі
Қарағанды облысы елордаға 583 тоннадан астам өнім әкеледі. Оның ішінде:
- картоп – 310 тонна;
- ет – 134,7 тонна;
- көкөніс – 80 тонна;
- сүт өнімдері – 15 тонна;
- балық – 7,5 тонна;
- тауық жұмыртқасы – 310 мың дана;
- бакалея өнімдері – 36 тонна.
Қостанай облысы 400 тоннадан астам ауыл шаруашылығы және азық-түлік өнімдерінің 100-ден астам түрін ұсынады. Олардың қатарында:
- ет – 49 тонна;
- сүт өнімдері – 31 тонна;
- шұжық және жартылай фабрикаттар – 23 тонна;
- жарма мен макарон – 30 тонна;
- картоп пен көкөніс – 90 тонна;
- ұн – 40 тонна;
- нан-тоқаш, кондитерлік өнімдер, сусындар, бал және басқа тауарлар бар.
Жәрмеңкеге қатысушылар және мақсаттары
Жәрмеңкеге екі өңірден 140-тан астам ауыл шаруашылығы өнімін өндіруші мен кәсіпорын қатысады. Шараның мақсаты – елорда тұрғындарына сапалы өнімді қолжетімді бағамен сату, отандық өндірушілерді қолдау және өнімді делдалсыз, тікелей жеткізуді дамыту.
Жәрмеңке қашан және қайда өтеді
Жәрмеңке 24-25 қазан күндері сағат 09:00-ден 18:00-ге дейін Қарқаралы тасжолы, 1 мекенжайында өтеді.
Дереккөз: gov.kz
