WorldSkills Shanghai-2026: Astana Polytechnic студенттері «Үздік медаль» иеленді
WorldSkills Shanghai-2026 халықаралық чемпионаты Шанхайда өтіп, Astana Polytechnic жоғары колледжінің студенттері жоғары көрсеткіш көрсетті және «Үздік медаль» иегерлері атанды, деп хабарлайды елорда әкімдігінің ресми сайты. Чемпионатта колледж атынан екі құзыреттілік бойынша жүлделі орын алынды.
WorldSkills Shanghai-2026: астаналық студенттердің жүлделі нәтижелері
Қазақстан намысын қорғаған астаналықтар мыналар бойынша жеңімпаз атанды:
- Web технология — Мұхамеджан Ағыбай.
- Мехатроника — Нұрлан Рамазан.
WorldSkills Shanghai-2026: оқытушылар мен халықаралық сарапшылардың рөлі
Жас мамандарды чемпионатқа дайындау жұмысын Astana Polytechnic жоғары колледжінің халықаралық сарапшылары Айжан Зияданова мен Самир Керімов қамтамасыз етті. Оқытушылар шәкірттердің кәсіби біліктілігін шыңдауға бағытталған жаттығулар өткізді.
Сонымен қатар колледждің халықаралық сарапшылары Ержан Қасымов пен Гауһар Қадыртаева Қазақстан құрамасының «Сантехника және жылыту» және «Графикалық дизайн» құзыреттіліктері бойынша «Үздік медаль» иегерлерін даярлауға үлес қосты. WorldSkills чемпионаты еңбекке оқыту саласының мәртебесін көтеріп, жастарға халықаралық аренада кәсіби шеберлігін көрсетуге мүмкіндік береді.
Дереккөз: gov.kz
