«Жас сақшы» полиция сыныбы Жетісу облысының Достық ауылында ашылды

Жетісу облысы Қаратал ауданының Достық ауылындағы Бикен Римова атындағы орта мектеп-гимназияда алғашқы «Жас сақшы» кадет сыныбының салтанатты ашылу рәсімі өтті. Шара барысында 7-сыныптың 17 оқушысы кадет антын қабылдап, алғаш рет погон тақты.

Кадет антын қабылдаған 17 оқушы

Жасөспірімдер үшін жаңа форма тек киім емес. Ол тәртіп пен жауапкершіліктің, айналасына үлгі болуға деген ұмтылыстың белгісі.

Бұл күн кадеттердің ата-аналары мен туыстары үшін де ерекше болды. Алғашқы погон – мақтаныш қана емес, балалардың азаматтық ұстанымы мен жауапкершілігін көрсететін маңызды қадамның нышаны.

Жас кадеттерді не күтіп тұр

Алдағы уақытта кадеттер мынадай жұмыстарға қатысады:

• жаңа білім беретін түрлі сабақтар;
• жаттығулар;
• сынақтар.

Мұндай дайындық оқушылардың бойында сенімділік пен төзімділікті қалыптастырып, Отан алдындағы борышқа адалдық пен заңға деген құрметті нығайтуға бағытталған.

Бүгін кадеттер алғашқы қадамын жасады. Болашақта осы 17 оқушының арасынан ел тыныштығын күзетіп, қоғамдық тәртіпті қорғауды өмірлік мұратына айналдыратын білікті полиция қызметкерлері шығуы мүмкін.

Дереккөз: gov.kz