Қосмонавтар көшесі: Астанада 26–27 қыркүйекте көлік қозғалысы толығымен жабылады

Қосмонавтар көшесінің Алпамыс батыр көшесінен Қабанбай батыр даңғылына дейінгі учаскесінде жол төсемін жөндеу жұмыстары басталады. Елорда әкімдігінің ресми сайты хабарлағандай, бұл учаске 26–27 қыркүйек аралығында толығымен жабылады.

Аталған күндері көлік қозғалысы толық шектеледі. Жүргізушілер мен жаяу жүргіншілерге жүру бағытын алдын ала жоспарлап, мүмкін болатын өзгерістерді ескерулері ұсынылады.

Қауіпсіздікті қамтамасыз ету және қолайсыздықты азайту мақсатында уақытша жол белгілері мен бағыттаушы көрсеткіштер орнатылады.

Дереккөз: gov.kz