Общество

Қыс мезгілінде автокөлік өртінің алдын алу үшін қандай қауіпсіздік шаралары қажет

Қыс айларында жүргізушілер көліктерін жиі жылытады, бұл ретте өрт шығу қаупі артады. Электр сымдарындағы ақаулар, жанармайдың ағуы немесе жылыту құралдарын дұрыс пайдаланбау өртке себеп болуы мүмкін.

Көліктегі өрттің алдын алу үшін қандай шаралар қажет

  • Электр сымдарының, аккумулятор мен жанармай жүйесінің жағдайын үнемі бақылап отырыңыз.
  • Қозғалтқыш жұмыс істеп тұрғанда көлікті қараусыз қалдырмаңыз.
  • Көлікті жылыту үшін ашық от немесе арнайы жасалмаған құрылғыларды қолданбаңыз.
  • Тиісті желдету жүйесі жоқ жабық гаражда көлікті қыздырмаңыз.
  • Көлікте жарамды өрт сөндіргіш ұстап, оны қолдануды біліңіз.
  • Қозғалтқыш бөлігінде жанғыш заттардың жиналуына жол бермеңіз.
  • Техникалық қызмет көрсетуді дер кезінде жүргізіңіз.

Өрт белгілері байқалса не істеу керек

Күйік иісі, түтін немесе өрт белгілері байқалса, дереу көлікті тоқтатып, қозғалтқышты өшіріңіз. Жолаушыларды сыртқа шығарып, 101 немесе 112 нөміріне хабарласыңыз.

Өрт қауіпсіздігі ережелерін сақтау — мүлік пен адам өмірін қорғауға көмектеседі.

Дереккөз: gov.kz

Другие новости

Back to top button