Қазақстан мен Халықаралық валюта қоры энергетиканы дамыту мәселелерін талқылады
Қазақстан Республикасының Энергетика министрі Ерлан Ақкенженов Халықаралық валюта қоры миссиясының басшысы Амина Ларешпен кездесті. Басқосуда елдің энергетика секторын дамытуға қатысты өзекті мәселелер, соның ішінде энергетикалық қауіпсіздік, инфрақұрылымды жаңғырту, инвестиция тарту, мұнай-газ және электр энергетикасы салаларын жетілдіру жайы сөз болды.
Энергетиканы дамытудың негізгі бағыттары талқыланды
Кездесу барысында мұнай мен газ өндіру болашағы, ірі кен орындарын игеру, мұнай өңдеу зауыттарының тұрақты жұмысы, экспорт бағыттарын әртараптандыру, электр энергиясы нарығы мен тарифтік саясатты жетілдіру, сондай-ақ жаңартылатын энергия көздерін пайдалану мәселелеріне баса назар аударылды.
Халықаралық валюта қорының бағасы және ынтымақтастық жалғасады
Халықаралық валюта қоры Қазақстан Энергетика министрлігінің саладағы бастамалары мен инфрақұрылымды нығайту бағытындағы жұмысын оң бағалады. Кездесу соңында тараптар энергетика саласы мен ел экономикасын орнықты дамыту үшін сындарлы диалог пен тәжірибе алмасуды жалғастыруға келісті.
Дереккөз: gov.kz
