Қазақстан Лана Заки Нусейбенің БҰҰ Бас хатшысы лауазымына ұсынылуын қолдайды
Қазақстан Біріккен Араб Әмірліктерінің мемлекеттік сыртқы істер министрі және БАӘ-нің БҰҰ жанындағы бұрынғы тұрақты өкілі Лана Заки Нусейбенің кандидатурасын Біріккен Ұлттар Ұйымының Бас хатшысы қызметіне ұсыну бастамасын қолдайтынын мәлімдеді. Бұл шешім БҰҰ-ның бейбітшілік пен қауіпсіздікті сақтау, орнықты даму және адам құқықтарын қорғау бағытындағы тиімділігін арттыруға деген үміттің өсуіне байланысты қабылданды.
БҰҰ Бас хатшысын сайлау үдерісіндегі ерекшеліктер
Бас хатшыны таңдау халықаралық қауымдастықтың ерекше назарында тұр. Сайлау үдерісі Қауіпсіздік Кеңесінде ортақ келісімге келуге қатысты белгілі бір қиындықтармен қатар жүруде. Бұған дейінгі бейресми дауыс берулердің нәтижесі осыны көрсетеді. Осы орайда Қазақстан үміткерлер санын арттыруды қолдап, бұл қадам сындарлы диалогты жалғастыру мен өзара тиімді шешім табуға мүмкіндік береді деп санайды.
Қазақстанның БҰҰ-дағы басымдықтары мен ұстанымы
Қазақстан халықаралық қатынастарда БҰҰ-ның орталық рөлін нығайту, оның тиімділігін арттыру және жаһандық сын-қатерлерге жауап беретін көпжақты тетіктерді жетілдіру бағытында тұрақты түрде жұмыс істейді. Сыртқы істер министрі Мұхтар Тілеуберді биылғы қыркүйек айында БҰҰ Бас Ассамблеясының 81-сессиясында сөйлеген сөзінде келесі Бас хатшыны сайлау осы сессиядағы маңызды оқиғалардың бірі болатынын атап өтті. Қазақстан БҰҰ Жарғысына толық сәйкес келетін ашық, әділ және кандидаттардың кәсіби тәжірибесіне негізделген іріктеу процесін қолдайды.
Дереккөз: gov.kz
