eGov Mobile қосымшасында отбасының әл-ауқатын бағалау сервисі іске қосылды
eGov Mobile мобильді қосымшасында отбасының әл-ауқатын бағалауға арналған жаңа сервис қолжетімді болды. Бұл құрал 2027 жылдың 1 қаңтарынан бастап мемлекеттік көмекті отбасының нақты жағдайына қарай көрсетуге көшуге байланысты енгізілді.
Калькулятор қалай жұмыс істейді
Калькулятор арқылы әр азамат отбасының әл-ауқатын бағалау талаптарымен танысып, өзінің әлеуметтік жағдайын анықтай алады. Бағалау барысында тек отбасының табысы мен мүлкі ғана емес, отбасы мүшелерінің құрамы, балалардың, қарттардың және мүгедектігі бар адамдардың болуы сияқты факторлар да ескеріледі. Барлығы алты бағыт бойынша 59-дан астам көрсеткіш қаралады.
Нәтиже қандай сипатта
Бағалау калькуляторы адамның өзі енгізген деректеріне негізделеді және ақпараттық мақсатта ғана ұсынылады. Калькулятордың нәтижесі әлеуметтік төлем тағайындау немесе оны тоқтату туралы шешімге тікелей әсер етпейді.
Дереккөз: gov.kz
