Кәсіби бокстағы ТОП-15 ең ықпалды тұлғалардың тізімі жарияланды

Boxing News басылымы кәсіби бокстағы ең ықпалды 50 адамның тізімін жариялады, деп хабарлайды Bassport.kz сайты.

Рейтингтің алғашқы ондығына танымал промоутерлер мен ірі инвесторлар енген. Бірінші орынға саудиялық инвестор Турки Аль аш-Шейх тұрақтады. Одан кейінгі үш орынды британдық Фрэнк Уоррен, Эдди Хирн және америкалық Боб Арум иеленді.

Әлемнің абсолютті чемпионы, украиналық Александр Усик 11-орында. Әлі де рингте жүрген боксшылардың ішінде одан жоғары тек суперорта салмақтағы абсолютті чемпион Сауль «Канело» Альварес қана тұр.

Ал қазақстандық экс-чемпион Геннадий Головкин бұл жолы тізімге енген жоқ.

ТОП-15 мынадай түрде қалыптасты:

1. Турки Аль аш-Шейх (инвестор, Сауд Арабия)

2. Фрэнк Уоррен (промоутер)

3. Эдди Хирн (промоутер)

4. Боб Арум (промоутер)

5. Сауль «Канело» Альварес (боксшы)

6. Эл Хэймон (промоутер)

7. Шай Сегев (DAZN бас директоры)

8. Оскар Де Ла Хойя (промоутер)

9. Джордж Уоррен (промоутер)

10. Ник Хан (ТКО Group директоры)

11. Александр Усик (боксшы)

12. Борис Ван Дер Ворст (World Boxing президенті)

13. Спенсер Браун (менеджер)

14. Акихико Хонда (промоутер)

15. Мэнни Пакьяо (боксшы).