Қазақстан мен AFCAC азаматтық авиациядағы әріптестікті кеңейтуді талқылады
Астанада Қазақстанның Көлік министрі Нұрлан Сауранбаев Африка азаматтық авиация комиссиясы (AFCAC) Бас хатшысы АдеСева Адейеми ханыммен кездесті. Әңгіме барысында азаматтық авиация саласындағы екіжақты ынтымақтастық пен даму бағыттары талқыланды.
Әуе қатынастарын ашу және тәжірибе алмасу
Кездесуде Қазақстан мен Африка елдері арасындағы әуе қатынастарын ашу мәселесі көтерілді. Тараптар сала сарапшылары арасында тәжірибе алмасу мен озық тәжірибелерді енгізу жайын да сөз етті.
Кадр даярлау және авиациялық билік органдарының байланысы
Басқосуда авиация қызметкерлерінің біліктілігін арттыруға, кадрлық әлеуетті дамытуға және авиациялық билік органдары арасындағы өзара іс-қимылды күшейтуге мән берілді.
Ынтымақтастықты дамытуға мүдделілік
Кездесу соңында тараптар азаматтық авиацияның тұрақты дамуын қамтамасыз ету үшін ынтымақтастықты жалғастыруға және сындарлы диалогты дамытуға ниетті екенін білдірді.
Дереккөз: gov.kz
