Денсаулық

Нұрлыбек Асылбеков Денсаулық сақтау вице-министрі қызметіне тағайындалды

Нұрлыбек Әбібуллаұлы Асылбеков Қазақстан Республикасы Үкіметінің шешімімен денсаулық сақтау вице-министрі болып тағайындалды. Жаңа қызметке тағайындалғанға дейін ол «СҚ-Фармация» ЖШС басқарма төрағасы ретінде жұмыс істеді.

Нұрлыбек Асылбековтің өмірбаяны

Ол 1966 жылы Оңтүстік Қазақстан облысында дүниеге келген. Шымкент қаласындағы Алматы мемлекеттік медицина институтының филиалын, М.Сапарбаев атындағы Оңтүстік Қазақстан гуманитарлық институтын және М.Әуезов атындағы Оңтүстік Қазақстан мемлекеттік университетін тәмамдаған.

Еңбек жолы және қызметтік тәжірибесі

Еңбек жолын 1990 жылы «Фармация» РПП-де провизор-технолог болып бастаған. 1991-1994 жылдары осы кәсіпорында директордың орынбасары қызметін атқарды. Кейінгі жылдары «Фармация» АҚ-ның аудандық филиалында бас маман, директордың орынбасары болды.

2000-2002 жылдары Оңтүстік Қазақстан облысы әкімінің аппаратында бас маман қызметін атқарған. 2002-2012 жылдары ҚР Денсаулық сақтау министрлігінің Фармацевтикалық бақылау комитетінің түрлі басқармалары мен департаменттерін басқарған.

Басшылық қызметтері

2012-2015 жылдары ҚР Премьер-министрі Кеңсесінде бас сарапшы, 2015-2017 жылдары Астана қаласы Тұтынушылардың құқықтарын қорғау департаменті басшысы қызметін атқарды. 2017-2022 жылдары Денсаулық сақтау министрлігінің құрылымында басшылық қызметтерде болды.

2022-2025 жылдары Шымкент қаласы Денсаулық сақтау басқармасын басқарды. 2025 жылдан бастап осы уақытқа дейін «СҚ-Фармация» ЖШС басқарма төрағасы қызметін атқарды.

Дереккөз: gov.kz

Басқа жаңалықтар

Back to top button