«Бэтменді» сомдаған актер Вэл Килмер 65 жасында дүниеден озды
«Айсмен», «Джим Моррисон» және «Бэтменді» сомдаған Голливуд актері қайтыс болды, деп хабарлайды Еuronews.
«Бэтмен мәңгілік» және The Doors фильмдеріндегі рөлдерімен танымал 65 жастағы америкалық актер Вэл Килмер пневмонияның асқынған түрімен ауырған. Бұл туралы актердің қызы Мерседес Килмер хабарлады. Актер сейсенбі күні кешке Лос-Анджелесте отбасы мен достарының ортасында көз жұмған.
2014 жылы оған көмей ісігі диагнозы қойылды. Бірақ ол аурудан айығып кеткен.
Килмер 1959 жылы Лос-Анджелесте дүниеге келген. Ол өзінің мансабын театр актері ретінде бастады, ал оның үлкен экрандағы серпілісі 1984 жылғы «Өте құпия!» тыңшылық комедиясы болды. Одан кейін 1985 жылы «Нағыз гений» комедиясы шықты.
Содан кейін ол Том Крузбен бірге «Үздік мерген» фильміне түсті. Ал 1990 жылдары Голливудтағы ең жоғары ақы төленетін актерлердің бірі болды. Атап айтқанда, Оливер Стоунның аттас фильмінде The Doors тобының жетекшісі Джим Моррисонның рөлін, ал 1993 жылы «Бэтмен мәңгілік» фильмінде басты кейіпкер Бэтменді сомдаған.
